تسجيل الدخول

مشاهدة النسخة كاملة : وبس كلمة صداقة البيني وبينك


•-IvI€®ôO-•¹
2012-01-16, 03:35 PM
ماحاجيك أبد بالعشك مهما يصير
وبس كلمة صداقة البيني وبينك

بعد ماغار ابد ماتسوه اغار عليك
كراج كليبك انت والله اليعينك

يومية تحب فلان وابن فلان
شيخصني بعد حر انت بسنينك

تذبحني بغرورك انه وانه تكول
بس كبالي ثاري تشيل سجينك

وكبال الغريب تصير ناعم دوم
حساس ومحب من فدوه يازينك

تشرين انته طبعك زخ مطر وياي
وي غيري ربيع يصير تشرينك

ضايع انت ضايع بين زين وشين
وضعنه وياك احنه بزينك وشينك

ما انكر جمالك أنت أحله أنسان
طولك .. مشيتك .. وك حته رجلينك

حسنك .. طلتك .. واحساسك الجياش
لمساتك .. حنانك .. رقة أيدينك

وعينك .. شرد أكلك أنه بعينك
يا اطيب عطر فاحت رياحينك

تره كلبي انشلع من كثر طيبي وياك
ياكلبي التودهم ليش ناسينك؟؟

لاتزعل ابد من الصراحه ارجوك
لاتزعل تره وحلفتك بدينك

اختار انت روح بكيفك انت اختار
واذا ما جيت ماكلك ابد وينك

وما حاجيك ابد بالعشك مهما يصير
وبس كلمة صداقه البيني وبينك
ۅرډة فـޢޢـرنـޢޢـسـޢޢـآ
2012-01-16, 03:45 PM
ضايع انت ضايع بين زين وشين
وضعنه وياك احنه بزينك وشينك
عاشت ايدك تخبل كولش حلوة
ولو حتة صداقة كون ماكو احسن :sg (3):
واحلة
تقييم
•-IvI€®ôO-•¹
2012-01-16, 04:18 PM
هههههههههههههههههههههه طلبووو مني هل الشي ونفذت الطلب تحياتي الج
ۅرډة فـޢޢـرنـޢޢـسـޢޢـآ
2012-01-16, 05:34 PM
والله كولش ذوق اليوم 3 قصايد منزل تخبل تخبلعاش ذوقك
QUEEN D0de
2012-01-16, 05:41 PM
اووووووووووووي صدك اثرت بية
وكولش حلوة عاش الذوق عيني
ان شاء الله يستمر هلابداع من دون انقطاع يار ب
•-IvI€®ôO-•¹
2012-01-16, 05:49 PM
تسلمووون حبايب شكراااا الكممم على مروركم الرائع تحياتي الكلمممممممم