رائعـــــــه من روائــع الشــعر النبــطي

[مريومه العراقيه]

( رائعة اسمحي لي يالغرام )

ولا اظن انها لمن نسبت له


اسمحي لي يالغرام العذب يالوجه السمــــوح
ان لزمت الصمت أو حتى لبست الاقنــــــــعه

اعترف لك ما بقى من عالي الهمه سفــــــوح
انحدر كلي مثل طفل تحدر مدمـــعــــه

من يبي بالله يفتح لي غلق صدره و ابــــــوح
ضاقت الدنيا بشاعر طيب قلبه ضيــــــــــعه

ما قبلنا الحظ قولي وين ابرحل ويــــن اروح
الصبر ياهو يعذب و الاماني موجــــــــــعه

اه يا جود الحزن وياني على الفرحه شحـــــــوح
ضايع بهمومي الغبرا بوسط المعمـــــــــــعه

اشتكي لوسادتي دنياي واسمعها تنـــــــــوح
كنها بعضي وبعضي وين هو من هو مـــــعه

ايه انا و العالم المغرور و الياس اللحــــــوح
خايض حرب الرياح اللي تسوق iالاشــــــرعه

مختلط في عبرتي حبر الشقى ودم الجـــروح
ومستوي في نظرتي غرب الوجود و مطــلـعه

عودي المبري بقى به من عطايا الوقت روح
وفصل خامس حاير بين الفصول الاربـــــعه

وراس مالي ذكرياتي حلم وأمال طمــــــوح
لا صديق ولا رفيق ولا طريق و اتبـــــــــعه

نوب اسافر في سديد الراي ونوب في جنــــوح
مختفي صوت الحقيقه كيف وش لون اسمعه

سامحيني دام هجري واضح كل الوضــــــوح
واسمحي لي بالرحيل بلا تذاكر وامتــــــــعه

[دلع المنصور]

شكرا الج قصيدة روعة

[مريومه العراقيه]

تدللين حبي وشكرا على مرورج الرائع