قصة عمرو وياسميين حلقه رقم 2

[عٍ‘ـهدِ مِوِنُہ لُـَايـِتْ]

الحلقه الثانيه

واحد اتنين تلاتة اكشنننننننن


طبعا صاحبنا فضل طول الليل سهران يفكر فيها وياترى يعمل اية يكلمها ولا لآ لحد ما توصل لفكرة جامدة جداااااا
وفجأه موبايل تيتو الساعة 1 نص الليل بيرن
تيتو استغرب جداااااا
ونط من السرير مفجوع ياترى مين اللى بيتصل ده
لقى احمد بيتصل
وهنا بيبتدى الجزء التانى ..................

تيتو :- عاوز ايه يا زفت !!!

احمد :- بلاش غلط يا حيوان!
انا عاوز اشوفك دلوقتى حالا

((تيتو باستغراب ))

تيتو:- انت عبيط ياض انت دلوقتى اية ((( ده اتهبل ولا اية(((

احمد :- يا عم اسمع الكلام تعالى نقعد على اى كافتيريا عاوز اكلمك شوية

تيتو :- اية اكتشفت انك بتحبنى اوى كدا ؟؟ وماتقدرش تستغنى عنى فجأه (( بضحكة ))

احمد :- غور فى ستين داهية انا غلطان انى اتصلت بيك

تيتو :- يا عم طب قول انت عاوز ايه ؟؟

احمد :- خلاص بكرة يا عم غور اتخمد
وقفل السكة

((وكمل تفكير فى حبيبته اللى ماحدش حاسس بيه غير قلبه ))


تانى يوم
اتقابلوا هما التلاتة
مودي :- انت ليه انت ياض بتتصل بالواد نص الليل ياض !!!!!
ايه للدرجادى كنت محتاجة ؟

تيتو :- ههههههههه

احمد :- مش عاوز هزار

تيتو :- طب قول انت كنت عاوز ايه منى ؟؟؟

احمد :- انا جتلى حتة دين فكرة عشان اكلمها

تيتو :- هى مين ؟؟

احمد :- ريم يا عم

تيتو :- يا خرابى هو انت كنت بتتصل بيا عشان كدا هو انت لسة بتفكر فيها

احمد :- اسمعوا بس ((ويقطعه تيتو ))

تيتو :- انت بتحبها بجد

مودي :- هى بصراحة تتحب اوى جدااا خالص

احمد :- يا جدعان انا البت دى شقلبت حالى و كل كيانى والله ما نمت , طول الليل بفكر فيها وفى عنيها و في جمالها الساطع
ونفسى اكلمها واقولها انى بحبها

مودي :- خلاص يا فلانتينو ها تعمل ايه ؟؟

احمد :- انا ها اروح الدرس معاها

((لحظة سكوووووت باستغراب)) مودي و الخطيب بيبصوا لبعض
وفجـــــــــــــاه
ههههههههههههههههههه

مودي :- يا ابنى انت ساخن اوى كدة ليه انت دخلت الكلية خلاص وعديت مرحلة الثانوية من زمان يابابا
ههههههههه

احمد :- اسمعوا بس

احنا ها نروح كاننا فى ثانوية كاننا عاوزين ناخد درس ونحضر الدروس عادى معاها عشان هى تلاحظ انى معجب بيها

تيتو :- يا سلام ونرجع تانى للمذاكرة والتسميع والضرب والواجب

مودي :- طب اقولك على حاجة احسن احنا ناخد الطريق من اوله ونقدم فى كى جى تو
ايون ونرجع تانى للزمزمية والشنطة وميس فهيمة اللئيمة
هههههههههههههه

احمد :- والله العظيم ها امشى

تيتو :- يا احمد ما انت كلامك مش معقول

احمد :- اسمعوا بس

وفضل احمد يقنع فيهم لمدة ساعة كاملة انهم يروحوا الدرس واخيرا قدر يقنع مودي انه يروح بس تيتو رفض وطبعا مودي
وافق عشان سببين :-

1_ اولا طبعا عشان البنات اللى فى الثانوية

2_ عشان احمد هو الل ها يدفع تمن الدرس
((ههههههههههههههههههههههههههههههههه ))

((سببين يقنعوا اى حد وبالزات مودي ))

وفعلا راحوا للاستاذ وكان مدرس فلسفة وطلع شكله عبيط همه كله الفلوس
وده اول يوم فى الدرس

مودي :- الصلاة عل النبى هى ليلتنا فل ولا حاجة

احمد :- شششششش ها تفضحنا

مودي :- والنعمة امشى سيبنى بقى شوية اعيش حياتى
وعدت واحدة من قدمهم

مودي :- ايه الجمال ده غزال يا خواتى

احمد :- وحيات امك اسكت عشان ..................

وفجاه دخلت ريم واحمد اتسمر فى الارض ومش عارف يعمل ايه كل اللى عمله انه ماشلش عينه من على عينها
مودي :- يابن المحظوظة دى البت زى القمر صارووووووخ.................

((سمحوه عشان خاطرى هو ده مبدأه فى الحياه طبعا مبدأ منيل بنيلة ))

احمد :- مودي عشان خطرى اسكت

مودي :- خلاص ياعم انا غلطان من الاول

وعدى اليوم الاول من غير ما احمد ما يعمل اى حاجة غير انه يبصلها وبس بس هى طبعا اكيد اخدت بالها

وبليل التلاتة قاعدين على كافتيريا

تيتو :- يلا يا عم اى خدمة جبتلك رقم التليفون بتاع البيت من صباحو كدب

احمد :- وقولتله ايه ؟؟

تيتو :- ولا حاجة يا عم حورت عليه شوية

وهو فضل يدخلنى فى متاهات وعاوز اقوله خلاص عارف انك بتحور ومكسوف منه هههههههههه

مودي :- المهم انت ها تتصل امتى ؟؟

عمرو :- لا لسة مش دلوقتى

وجيه تانى يوم فى الدرس
(وكل اللى عمله احمد انه يبصلها بس هو المرة دى اتاكد انها اخدت بالها انه دايما يبصلها
ومودي كان مهيس خالص فى الدرس لدرجة انه خلى كل اللى فى الدرس يضحك بما فيهم الاستاذ

وبليل

التلاتة وخصوصا احمد عمل حاجة جريئة اوى
فكر انه لازم يشوفها فجى ناحية البيت وراح معدى من تحت البلكونة وهما التلاتة علو صوتهم وبما ان مودي خلاص صوته بقى مميز جدااااااااااااا

فجأأأأأأأأأأأأأأأأأأأأة

طلعت من البلكونة تبص

صاحبنا قلبه اتخلع من كتر دقاته ووشه جاب الوان
مودي بيكلمه بصوت واطى
مودي :- يلا يا عم اى خدمة
ووصلوا لاخر الشارع ورجعوا تانى لقوها لسة واقفة
احمد بصلها جت عينه فى عينها
دخلت جرى على جوه
خد لفه ورجع تانى
مودي اتكلم بصوت عالى
لقوها طلعت من البلكونة
احمد فرح جدااااااا
وعمل نفسه بيكلم فى الموبايل وبيقول

احمد :- طب خلاص بقى انا ها اتصل بيك كمان شوية
وفى الطريق

مودي:- ما تتصل بقى يا عم

احمد :- لا يا عم لما اشوف اخوها الاول واكلمه عشان اوضحله الموضوع شوية

مودي:- انت عبيط ولا انت شكلك كدا

احمد :- يا جدعان بصراحة انا مش عاوز حد يقول عليها كلمة وحشة وطبعا ولا عليا انا كمان

تيتو :- يبقى خلاص تقول لاخوها بعد ما تكلمها مش يمكن هى مش عاوزة تكلمك

احمد :- امممممممممممممممم

مودي :- اتصل بقى

تيتو :- لآلآلآلآلآلآلآلآلآلا

اوعك تتكلم من موبايلك مش يمكن عندهم اظهار واخوها يعرف رقمك تبقى فضيحة

احمد :- اااااوك

مودي :- على اقرب سنترال

ودخل احمد السنترال

واول ما مسك السماعة حس انه بينهار حس انه مش عارف هيقول ايه سابها لربنا كل حتة فى جسمه بتهرب منه حتى لسانه ما بينطقش مع كل جرس بتزيد دقات قلبه خايف حد تانى اللى يرد عليه وخوفه الاكبر انها هى اللى ترد عليه كل الكلام اللى محضره اتنسى
وفففففففجاه


ريم :- الو

احمد بعد ما تاكد انها هى من صوتها

احمد :- ايوة

ريم :- مين معايا ؟؟

عمرو :-واحد ومش لازم تعرفى مين

بس لازم تعرفى انى معجب بيك من اول مرة شوفتك فيها وعملت كتير اوى عشان اكلمك

ريم :- مين معايا !! (باستغراب )

((قال يعنى مش عارفة مين ده يا جدع البنات دول عليهم حركااااااااااات ))

احمد :- واحد معجب بيك يا ريم وصعب اقول اكتر من كدا

ريم :- اه وبعدين يعنى

احمد :- ولا قبلين

ريم :- طب اى المطلوب منى !!!

احمد:- بيقول فى باله (( ياريتنى ما اتصلت ))

بصراحة مش عارف كل اللى انا عارفه انى معجب بيك جداااا جدااااا

ريم :-اااااه ...... طب ممكن ما تتصلش هنا تانى

(وف ثانية احمد قفل السكة اول ما سمع الكلمة دى ماعرفش ها يقول اى حس ان كل حاجة ادمرت حتى الحلم اللى بقاله كتير بيسهر يحلم بيه ضاع واتكسر مش عارف ها يقول اى لصحابو اللى
مستنين فلنتينو اللى تاعبهم بقاله اسبوع عشان خاطرها الدنيا اسودت من حوليه
وبعديييييييييييييييين نكمل المرة الجاية

_________________________
بس يا ترى احمد ها يتصل تانى ؟؟؟؟
ولا ها ينسى الموضوع وكانه ما حصلش ؟؟؟؟
وهى يا ترى عرفت مين هو ؟؟؟؟
ويا ترى ها تعمل اى فى الحصة الجاية ؟؟؟؟
كل دى اسئلة ليكو انتم ها تخمنوها وتقولوا ردها
واشوفكم على خير فى الحلقه التالته و اطمنوا انا معاية القصة كاملة و منتظر ردودكم الحلوة
.........................