¦ لا تغـيـب ¦¨¨

[نونه البزونه]

لاتغيب
لاتزوّدني نحيب
وانتَ تدري
انك أغلى من دخل قلبي
وسمّيـته حبيب
لاتبكّي الليل فـ بْعَادك حبيبي
وتاخذ القمره وتغيب
ولاتزيد الروح غربه
فوق غربه
وتبعد وتصبح غريب
لأجل هذا
جيت أنادي شوق قلبك
لايصد ولايغيب


انت تدري في بعادك وش يصير
النجوم اطّيِح
لو عنّي رحلت
والغيوم تصيح
لو منّي زعلت
ولوهجرت وصرت أناني
يختنق صوت الأغاني
والأماني تصير أسلاك وتغطّي
كل أطراف المواني
وتجبر النورس يغيب
لجل هذا
جيت لك كلي أنا
ارتجيك بحبّنا
وارتجي قلبك الوافي
لايصد ولايغيب


انت تدري
لو علي قلْبك قسـى
وطار عن غصني غرامك
وقال ابنْسَـاك ... ونسى
تمطر عيون المسـا
ليل ..وأحزان .. وأسى
وينقلب وجه السما
في وجهي شاحب
وكل غيـومـه
تبتدى بلحظه تعاتب
ويتناثر في وسط ليلي الكئيب
دمع حرّاق ولهيب
لجل هذا ياحبيبي
جيت أقول اليوم
تكفى لاتغيب


ولو تدري في بعادك
ياحبيبي وش جرى
كفّنَت روحي فرَحْهَا
وانت قلبك مادرى
ولبست الأْسود عيوني
واللي مايدري درى
وانت غايب
يابعد كل الحبايب
ومادريت بقلب ذايب
يرتجيك وماتجيب
يحتريك وكل مره
يرجع وضنّه يخيب
لجل هذا ياحبيبي
جيت أقول اليوم
تكفى
ارجع وخلك قريب
ولاتغيب


انت تدري
لورجعت لقلب خِلّك ياحنون
بتكْسر الصمت اللي يصرخ
بين همي والضنون
بتمسح بمنديل وصلك
كل دمْعَات العيون
وبيرجع الطير اللي حالف
عن عيوني مايغيب
يرجع يغرّد حبيبي
فوق هالغصن الرّطيب
لجل هذا
وكل هذا
جيت أقول اليوم
ارجع عن قرارك
ياحبيبي لاتغيب

[مريومه العراقيه]

سلمت يداكِ

على أصدق كلام منكِ .. وعنكِ

ولعل اجمل الاحساس .. اصدقه

فتكون رائعتكِ هذه ..

رمزا لصدق المشاعر و الاحساس
تحياتي

[نونه البزونه]

شــــــــــــــــــــــــــــــكرا
حياتي
على مرورج
منـــــــــــــــــــــــــــــــــــــــــــــــو ره