والله انـــــــــــــــــــــــــــــــــــــــــــــدمه

[L•َِOَِ•Y•َِUَِ•S]

والله انــــــــــــــــــــــــــدمه
مات جوى الكاع حبك من عكب ماجان نجمه
وشرجي صار العمر بعدك يل جنت بأيامي نسمه
احنه سبحه وطش خرزها ومانرد هيهات لمه
دنيا جذابه وكيحا وهل وكت ماعنده ذمه
واناحزني الجان جاهل من اجلكم صار زلمه
والله انـــــــــــــــــــــــــــــدمه
بيه وصلت انسى اسمي ومانسيت بيوم اسمه
وروحي بيني وبينه صارت لاهي يمي ولاهي يمه
شما اريد الزمه عنك روحي ماتنطيني لزمه
زرعوا بستان وردك واناحسره عليه شمه
وكالوا المقسوم يحصل وانتظر تجمعنه قسمه
ولوسمعت اجدام مرت كلبي فرفح كال جدمه
والله انـــــــــــــــــــــــــــدمه
حسبت يذكر محبتي وبالبوجي عيونه تعمه
ومن ينام بغير حضني يصير تابوت على جسمه
بطلت عينك بواجي ورضت بشفافك البسمه
والله انـــــــــــــــــــــــــــدمه
شمعي نورته بطريقك وانت شمعاتك مظلمه
وكلي يانوم الانامه وياحلم كلي الاحلمه
كافي وانساهم ياكلبي وذولي موش اوجوه نعمه
تكتب بدمك رسائل للي مايسواش كلمه
وبعد لاتحمدلك احد تالي هم تحتاج ذمه

[مريومه العراقيه]

كلمات رائعة دخلت للقلب دون ان تطرق بابه
احييك سيدي لروعة ماكتبت
دمت بود

[L•َِOَِ•Y•َِUَِ•S]

يسلمووووووووو عالمرورررررر
والرد الممــــيز

[AbO RiShA]

كلمات في غاية الرووعه
شكرآ على هذا البوح الرائع
دام قلمك ودمت لنا
تقبل مروري
عاشق الاوهام