أنا المجروح
(للشاعر نادر التتان)
أنا المجروح ﮔـلبي في أعز الناس .. بعد الجروح هذي شنهو جرح الراس
أنا المصيوب ﮔـبل صوابي بالضربه .. بعد هذاك جرحي بضربتي لا باس
أنا المذبوح يوم انعصرت الزهرا .. و للآلام ما فضل في عمري إحساس
أنا المدفون وسط أوجاعي مو ﮔـبري .. أطيب شلون و لا ترجع الأنفاس
طبيبي اليكشف عليّه يـﮕـول شوصفته ليّه .. و أنا العلاتي ما تمشي و طبيبي ماهو في الدنيه
و إذا هذا الطبيب بجرحي ما يدري .. أعلمه منين يشوف دموعي هالتجري
أنا من العين دمي يجري يا حسرة .. من على العين صارت لطمة الزهرا
أنا المحفور صدري و انت تسايل ليش .. تدري ترى المسمار سوا بالصدر حفرة
أنا المكسور ضلعي و شلي يجبرني .. بعد الضلوع ما ذابت من الكسرة
انا الموجوع متني و الألم دايم .. لأن السوط ما ﮔـصر ولا العصره
كمل جرحي و كمل وصفه تظن عندك إله وصفه .. تظن تـﮕـدر تداويني أبد ماظن بعد أشفى
و يـﮕـول الواهم الي بسيفه صوّبني .. يريد على العذاب المر يعذبني
