وكل همسه التصل منك تذوبني
يبستان الورد ومحمر الخدين
على بابك غصب رجليه جابني
أكتبلك قوافي وأجمل الأوزان
أصحه وألگه شعري بيك يكتبني
نثر ليلي نجومه بدربك متناني
يهل حسنك بدر يجمعها ويغني
يغار الفجر منك من ضوه خدودك
حتى ألجوري عنك دوم يسألني
أخاف تروح عني ويبقه عمري عليك
بس أسنين تغفه بحســـــــــــرتي أوني
وأخاف تمل عشرتي وگلبي طگ بركان
يذوبني ودمعــــــــــــــــي ينگلب حني
رهني حسنك ومجبور احبك موت
ومدري ليش حسنك دوم يجبرني ؟؟؟
وفاي وياك شط وحاضن جروفه
وحبك طيف ما ليله يفارگني
أباريلك وأخاف عليك من روحي
يطگ بيها الصبر والغيره تاخذني
وتدري من الهوى يا روحي أغار عليك
لو لاعب گـــذلتك أنگلب جـــــني
الاگاك بوريدي لو ادورك يوم
وبدرب الصبر والحيره شاتلني
تعبت هواي يالمزيون ما ترحم
چا يوم ألقيامه هواك يرحمني
