مشتاك ودمعتي اتسيل مامنك خبر جاني
واكظي الليل بالحسره واضوك القهر بالساني
عشكتك جن عشك مجنون وسفه انسيت عنواني
سكيتك من دموع العين حنظل ليش تسكاني
احبك يل بعت حبي واريدك ليش تنساني
كبل مو واحد انه اوياك جنت اتكول انته اني
شجاك اشغيرك يهواي شنهو الكيتلك ثاني
وطن جنت انه لعيونك كلتلك نام باحظاني
ونمت مافكرت بالصار عفت اهمومي واحزاني
انه الموقصدي ازعجك يوم لكن كلبي حيراني
يريد ايشوفك اتحبني يريد ايشوف تهواني
ولكن للاسف حبي نكرته بيوم والثاني
وبعد ماريد اكولن اه هاك اليوم وجداني
أهلا وسهلا بيك يل ناكر ارباي
وسفه والف ياحيف سميتك أهواي
