لا لتبچي ادموع تمساح ارتجيك
مايهزني ابچاك لو تبچي مقل
اني طبعي النخله متهدني الرياح
ومشتكي من الفاس لورايد تقل
العقل زينه مثل تدري يقال
وانته اصلأ مملكت قطعأ عقل
يمي سويتك كبل صاحب قيم
هسه اخلاقك زفت كامت تقل
هوبزاتك عيب بطلهن تضيع
ومن حچي الچذاب اوصيك انتقل
لاتكلي ازرعتلك دربك ورود
وانته يامكرود ماتملك حقل
انه وياك ادخلت مره امتحان
انطيتك الدفتر كمت تنقل نقل
اني موقصدي اعيرك واستهين
ولا ابيع ابراسك اخلاق وثقل
بس اريدك تعتدل تصبح بسيط
شما علا الانسان شخصيته تقل
عاين الاشجار نرميها بحجار
والورود ازغار نشتمها اعلاقل
ومو غريبه شكد عشكتك بالقديم
هسه عزرائيل اشوفك هم اقل
وكبل لوتدخل جهنم انه اجيك
وهسه ماريدك يلو تأتي دقل
يروحي الجانو احبابج وهم لج
جفوج وجابو الحسره وهم لج
الف وسفه طلع حبهم وهم لج
سراب وضيم طلعولج سويه
