الى اجمل كاذب
--------------
فاتن جرح ماشفى
انساه يبجي الجرح
من ينذكر يلجم
..............
تركت ابوحي صدى
ينسمع وكت الفرح
حتى الحزن والفرح
يصبحلي نفس الطعم
..............
فاتن قصيده وعشك
والشعر بيه انجرح
والدم نزل عالورق
والشعر حيل انهضم
................
من قرر تنختم
دمعاته صارن حبر
والورقه وصلة كلب
واتخيل انت الالم
.................
صوره ورسمه الشعر
من كملته شفت
بجفوفي
مات القلم
.......................
والجرح شيضمده
لو چان سيفك دوه
اشماجيبه يم الجرح
تسكت غصب وانته
....................
والعين شاهد بقت
بس دنكت حضنته
كالتله جرحك سهل
بس عين البلوتي
....................
جرح انه مو اي جرح
كل ساعه اشوفه شكل
جرحك يلمه جلد
بس اشيلم صفنتي
.....................
شيف انه صدري درب
دبچت فوكه رمح
لو بيه حوبه صدك
چان شلتك صرختي
......................
جامه انت وجهك صدك
بس ينكسر بالحجر
اني رميت الحجر
واطشرت رميتي
......................
خطه المحبته ارسمت
نفذه اليه الوكت
يم باب كلبه اوصلت
بس ضيعت خطتي
......................
كلت الزمن لو رجع
شورجع بيه الزمن
والساعه التحركت
بس جمدت خطوتي
......................
فاتن بعد ياركض
يادمع ترجع الي
حتى الزمن لو رجع
ماريده ذاك العمر
........................
ماتمر مرت محب
دومك تمرني سهم
وابحجة ارد احضنك
تفطر دليلي فطر
............................
تدخل كبل مااحس
تخرق ابسرعه البدن
لمن دفعتك شفت
متكطعه احضاني
.......................
واشلون اسحبه بعد
واتشابك ابكل شي
شرياني بيده انكطع
شيهمه شرياني
.......................
النزف داخل صبح
واشلون اوكف النزف
والجسد حيله وكع
والحيل شاله التعب
.......................
طلعت مني وشفت
ايده بقت بالجسد
كل مااجره شفت
ايده تعت بالكلب
.......................
مر بيه شامت ردت
لاتمر مرت حلم
بس صيح وينك صرت
ينفتح باب الجرح
....................
الباب طبعه الصمت
لكن ابجيتك فزع
طب االغرفتي ركض
چاغير اجاه الفرح
....................
واطلعت شفتك رحت
عابر سبيل اصبحت
وسديت باب الالم
والحاله شفته انفتح
:35 :35 :35
