شوف جرحك شسوه بيه يفلان.......
شوف جرحك شسوة بية يا فلان
وجاي بعد كل الي صار ودكلي غلطان
دموعي الي صبن عليك ليل ونهار
جفن من عيوني من بعد الي صار
وكلبي الي جان لعبة بين أيديك
تعلم قواعد حبك وقسة عليك
ولك حبيتك وداريتك وحطيتك بنص عيوني
وجنت شمعة مضوية ما تغمض جفوني
تتعجب لان تسمع مني هالكلام
وأني الي ياما سمعت منك اشكال وألوان
واعدتني وما وفيت بالوعد
واليوم جاي ودكولي خل نرجع ميفيد البعد
صدك تحجي وهيج واثق
أسفة اليوم اكلك انت أبد مو صادق
بعتني برخيص وغدرت بية
وهسة جاي بكل بساطة وتسأل علية
مشكور ومقصرت كلبي بخير
وتعلم القسوة وتعلم مينطي مفتاحة للغير
لا.....لا دكلي اسف لا دكلي ندمان
عمرة للندم ما فاد انسان
وشوف الدنية شلون دوراة
ما تعوف احد ألة وتاخذ بثارة
واليوم أفرح وأحني جفوفي
واكلك ماكو خاين بالعشك يوفي
شفت جرحك شسوة بية يا فلان
أرجوك لا تكلي أسف لا تكلي ندمان
