لاتظن انساك ..

اذا نشفت عيوني الكلب يبجي اعليك ودموع الكلب مو ماي يجرن دم


واذا جرح البشر يم الطبيب يطيب اني من الطبيب جروحي تتألم


ماينفع طبيب ولا علاج يفيد لان انت الطبيب وشوفتك بلسم


ياعشرة عمر فرق شملها الموت مثل ماي التبدة وبعد مايلتم


شمعتنه انطفت والليل صبحه ابعيد وجمالة الكمر كبل الوكت سلم


وانجوم الثريا الجانت اتناغيك غابت والظلام بديرتك دلهم


ياوجه السعادة الغدر بيه الموت فرقنا الزمان وبيتنه اتهدم


عاشرت الحزن واسود لبست عليك خاواني الدمع واصبح جليسي الهم


صحيح انت غبت واصبحت تحت الكاع بس صورة خيالك هاي تتكلم


اشوفك بالحلم مثل الكمر بالبيت هذاك انت الرقيق ودوم تتبسم


افز من نومتي واركض وافك الباب حسبالي حقيقة وماجنت احلم


ارد اشرب دمع واطحن بكايا الروح واسنين العمر صارن صدك علقم


ساهرت الليالي وكمت اعد نجوم اتأمل ترد والموت يتوهم


اظل دوم انتظر واشعل شمع بالبيت واني ادري الزمن لو جار مايرحم


ولو كالوا نسيتك لاتظن انساك وانت بهاي تدري وعالكلب تحكم


توم احنه انولدنه وما فطمنه البين لان روحي وياروحك فقط تتأقلم



00 00 00 00 00 00 00 00 00 00 00 00 00 00 00 00 00 00 00

ما أنساك

أنسى البشر بالكون وما أنساك

عايش بجسد هنا والنفس وياك


لا تظن قلبي في يوم بيخون هواك


أويميل في لحظة ويعجب بسواك

أنت غالي وياليتك تعرف كم غلاك


لو كشفت عليه يملا أرضك وسماك

ما نويت على البعد ولا على فرقاك


الله اعلم بحالتي كيفها بلياك

تدمع العين والقلب يتمنى لقاك

تقبلي مروري