ردت احبك وستحيت وبطلت ... خايف شما اوفي ما ترضالي
لأن لجلك هواي مرات تخبلت ... وكل مو شي ما رضا عله
خبالي
ما اشوف اشكد عليّ مرت الوف ... كلها مو بلبال وانت أبالي
انه بس شما ردت عنك الوف ... شما افر براسي تصير كبالي
غيري ما شافك وغيرك ما أشوف ... انته كل الكون تتراوالي
كبل لا شوفك جنت اعمى وحزين ... وفتحت من سيرن منك طيوف
ولمن شفتك انكلب كل جسمي عين ... وصرخت بلجن بعد عيني ارد اشوف
انه لو جيتك اجيلك جاري ماي ... وشيكض الماي كلي لو جره
وعنك انه اشمارحت تلكاني جاي ... ومن كثر ما احبك ارجع ليوره
مسودن يكولون ... اولي يطبني طوب ...المهم اتحبك اسواديني
احركني قابل شرط بس كون اذوب ... حتى انته تلمني وتبديني
كون هاي لخاطرك تكتلي هاي ... وكون لجلك عرك بيني وبيني
انه مدري شلون ظلت بيه روح ... من خذتك بالحلم ذرعاني
احجي بيك لساني ما سمعني صوت ... وظل عليك يغار مني
لساني
ولك اكثر من حلم بي ردت اموت ... وبالحلم شفتك جفن غطاني
؛؛؛؛؛؛؛؛؛؛؛؛؛؛؛؛؛؛؛؛؛؛؛
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛
* تحياتي *
