نساء العراق والعرب ووكثره الضن بالرجال :: بقلمي::موضوع نقاش مهم جدا
يعني اني اعتقد انو هذا الموضوع مهم ! والحقيقه هذا الموضوع واللي اني اشوفه بكثره هنا عدنه مو بس بالعراق وانما بالوطن العربي كوله , انو البنات يضنن سوء بالولد و طبعا هن من حقهن الواحد يكدر يكول , وبنفس الوقت في اكثر الاحيان هن على غلط ! وطبعا صعبه عالبنيه من تحسن الضن ويطلع الولد مو محل حسن الضن هذا , بس هم صعبه عالولد من عنده حسن نيه والبنيه مباشرة تسيئ الضن بي ......
اني اعتقد او رأيي الشخصي اكول انو كل واحد لازم يعرف المقابل ويتعامل ويا بمرونه بس يخليله حد و ميسمح للمقابل بالتجاوز عليه سواء ولد او بنيه ..
حتى هنا على صعيد هذا المنتدى واللي احنه كولنه نتعامل بي من خلف كومبيوترات فاكو تخوف من البنات ! و طبعا هذا مؤشر خطير ... لان هذا الصد هو مو التزام اخلاقي او ديني ا نحدار تقليدي.. وانما صارت عاده متوارثه وهي غير صحيحه..
اني دائما اكول انو المفروض البنيه تسوي دائره حمراء دايرمدايرهه و طبعا هذه الدائره محلو تكون ضيقه لان راح تفسر من الاخرين بسوء التقدير ولا حلو ان تكون واسعه لان راح تكون البنيه ممله و معقده و اكو هواي يفسروهه بانو هذا مو تحضر واني واحد منهم ...
وطبعا منذب اللوم كوله عالبنات وانما بنفس الوقت اكو هواي ولد يستغلون اذا بنيه شويه مثل منكول بالعاميه انطتهم عين ,, علمود بكلامنه نكون منصفين.
حبيت اسمع ارائكم ولد وبنات.
بس ياريت تكتبون شي تفصيلي حتى توصل الفكره لان بهيج وضوع متفيد العباره مال ( خير الكلام ماقل ودل)
اتمنى الكل يشارك ويكول رئيه الحقيقي مو مجرد تعبير مو صادق
تحياتي للكل
sheevo
