* شوگي لشوفتك طر گلبي نصين *

شوگي لشوفتك طر گلبي نصين
مدري شلون اعوفك يا ضوه العين

احبك غصباً اعليك
واغار من اليحاچيك

فراگك هذا خله بگلّبي سچين
وشوگي لشوفتك طرّ گلّبي نصين
؛؛؛؛؛؛؛؛
تعال وخلي اشوفن ذيچ العيون
واظل لشوفتك كل عمري مرهون

ملتني المحطات
اشوفك بعد هيهات

وعليك عيوني تعبت من الونين
وشوگي لشوفتك طرّ گلبي نصين
؛؛؛؛؛؛؛؛؛؛؛
روحي تريد منك ترجع اليوم
وعليك بكل مسية تبچّي النجوم

عگبك كلشي مايفيد
صوم متاني العيد

اقنع روحي ترجع صارلي سنين
وشوگي لشوفتك طرّ گلّبي نصين
؛؛؛؛؛؛؛؛؛؛؛؛؛
اريد اليوم اشوفك ويه الطيور
تعال لشوفتك ناذرلك نذور

أعّيد يوم اشوفك
وبعد هيهات اعوفك

تعبان وأجيبن راحتي منين
وشوگي لشوفتك طرّ گلّبي نصين
؛؛؛؛؛؛؛؛؛؛؛؛؛؛؛؛

تسلمين حب حب على الكلمات الحلوة

عاشت الايادي على الموضوع الحلوو والكلمات الاكثر من رائعة ..
لاتحرمينا من ابداعج..
تحياتي..