وينك ياعـــــراق؟
وين الفــــــرات؟
أو ويـــــن دجلة؟
ذبـــــحتني الغربة وذبحتني فركة بلادي واني مغصوبة غصب وبس ضليت أنادي
أني بنتك يا ابو العراقيين اني المدللة بحضنك يا ابوية وينها ماي بغداد ليش زعلانة عليّ
وينها اللي جنت اتحنه بترابها وغسل شعري على جرف الفراتين
وينج يمة سمعيني أني انزف على جرف النهرين ودمي اختلط بالماي وذمة بركبة العراقي لازم يشرب الماي حتى يضوك لوعة المـــذبوح بتربتي
أهدي لك ياعراق دمـــوعي وباقة ورد حمراء وقلب ينزف على ذرة من التربة تشرف الراس
وعساك تضل غالي وعالي واسمك بفخر ينخط على الجبين بأعتزاز
لاتنساني ياعراق ولا تنسيني يا بغداد يا أم العراقيين
اني بنتك ياعراق والعــراق ماينشلع من كاعة
ربي يحفظك ويحفظ كل عراقي مغترب وكل على عراقي على ارض العراق
