******* زعل كلبي وياي عله مودك *******

أذا احجي وي غيرك قصدي وياك
واذا حبيت غيرك انت أعنيك


مااذكرك بس جذب أنساك
واذا أنا اذكرت يعني أنا ناسيك


عقلي الماعرف هذا ولاذاك
ولاأنا العرفني شعرفه بيك


ماأفتهم كل شي بغير طرواك
مسودن وأفتهم كل شي منلاكيك


كتبت راح أكرهك وتوقع أنساك
حدرها وقعت صرت أنا مجنون


رجعت أتأكدت شو طلعت أهواك
ردت أمسحها زادت ترست الكون


أذن أهواك كون يدور بيه
ولابيها مجال أنساك هيهات


واذا انه ارد اكلك كافي جيه
لساني أيكول مو تكطع الجيات


زين لساني شوف جفوف أيديه
على مودك يسرتي لوت يمناي


ضجت منك وكلبي أسوه بيه
كطع نبضه وزعل وتعارك وياي

الف شكر عيوني
كلمات وابيات رائعه
دام قلمك ودمتيي لنا

الف شكر على الكلمات
الرائعه و الجميله
سلمت يداكِ و سلم لنا قلمكِ الذهبي
تحياتي
العميد نهاد العراقي

رووووووووووووعه
عاشت الايادي
تحياتي