ألمن جاي ؟!
***************
.
.
.
ألمن جاي ؟!
للعزفو چذب بالناي
للحطو ملح بالماي
هيـچي انته كَلتلي ..
وهسه رايد تبتدي من ثاني ليش وياي ؟
وكَلتلي الكَه انه غيرك وأبتدي من أجديد
الظاهر مالكَيت وغيريت الراي
ألمن جاي ؟!
چـنت رايد تروح وكَلنه الله وياك
روح وماأظن روحي بعد تنخاك
ولا أوكَف أكَبالك وأصفن بممشاك
وأشكـَ ثوب الحزن لو حرن كَلبي أعليك وأترجاك
وأغيره انه نظامي وقررت أنساك
ألمن جاي ؟!
وإذا أنته تحبني ومانسيت بيوم
ومن يوم العفتني ماعرفت النوم
إذاً تعرف تحب وتحن ألي .. ومغروم !!
إذاً شايف ربع ماشفته من أهموم
ألمن جاي ؟!
ورايد تبتدي من ثاني ليش وياي ؟
الظاهر مالكَيت وغيريت الراي
منقول
