سيد الخواتم النسخه الاصليه(العراقيه)هع
هلاو شباب وبنات
شلونكم عيوني؟
اكيد اغلبكم شايفين فلم سي الخواتم
بس منو سامع عن النسخه العراقيه؟؟
هسه احجيلكم اياها
في عصر ما قبل التاريخ جان عمكم ابو صمندعه
يعني اني تحت الظلام الكبرى المهم فييوم من الايام كنت العب
الكولف في حديقه قصري فنضرت الى باب القصر ورايت
المارسدسات السوداء اللون تقف في باب القصر فامرت
الحارس بالذهاب لرؤيه ما يحصل ثم جاء الحارس وقال مولاي
انهو ابو نجم ملك مملكه الروهان فقلت له ادخلهم الي قاعه
الاستقبال وشغل المولده الكبيره ثم شغل جهاز التكييف لهم
لاني سوف اذهب لكي اغير ملابسي ذهبت الى غرفه الملابس
وطكيت القاط الرصاصي وذهبت لهم فسلمت على الملك ابو
نجم وقلت للخدم جايات لعمامكم وعندما انتهينا من شرب
الشاي قال لي ابونجم اخويه ابو صمندعه نجم ولدي يريد ان
يتزوج ونريدك تجي ويانه خطابه قلت له اوكي دلل ابو نجم
المهم ذهبنا واشترينا الخاتم الذي اطلق عليه اسم سيد الخواتم
ثم انطلقنا اللا بيت العروس وفي نص الطريق طلعتنه خمس
دوريات من جماعت الاورك المتوحشين كله راكبين بيكب دبل قماره
وشتغل علينه الرمي ثم اصابتني رصاصه في كتفي وقد غبت
عن الوعي وعندما استرجعت الوعي قالو لي بان الخاتم قد سرق
فتملكني الغضب والغيره صعدت فول جريت الموبايل وخابرت
جيشي وقلت لهم تجون مسلحين باسلحه البيكيسي والقاذفات
وعند وصلول جماعتي توجهنا الى مملكه موردور مملكه
الحموضه تحت الظلام فوجدنا سارومان ملك مملكه الظلام
وقد حشد جيوشه ضدنا فوقفت وصحت بصوت عالي
سارومان لمذا سرقت الخاتم اذا لم تعيده سوف اقتلك فاجابني
سارومان وقال :طبك مرض شسوي سوي . فقلت له ولك
سارومان ابن الحفافه طالعلك السان وكمت تحجي فقلت
لجيشي هجوم وشتغلن القاذفات طكه ما طكه لاكن هذا
سارومان الناقص طلع مدفع سبعه وخمسين وكام يرمي علينه
ماكلكم طكيته بسيف طشرته بس هذا اشو ما مات ثم اشتدد
المعركه الى ان جائو عشيره البو طنطل وهم عشيره من الجن
(جن لو عرك ) وجائني زعيمهم جني ابو الهيل وقال مولاي
ابو صمندعه سوف نقاتل معك ضد جيش سارومان المجرم
فقلت له بارك الله فيك ثم قاتلنا بشراسه الى ان استرجعنا
الخاتم وقتلنا جيش سارومان كله ثم رجعنا الى القصر وبعد
اربعه ايام اكملنا طريقنا للذهاب لطلب يد العروس الى يد
الامير نجم ابن ملك الروهان فوصنا وطلبنا يد العروس فكانت
اجابتها :ايييييييييع اني ازوج هذا العاوي الداوي ثم قالت
للامير وباختصار :اشطح شيشه مالك عيشه . وخلصت
حكايه الخاتم
ها ؟
شونها القصهـ ؟؟ هع
,,
تحياتي
