مطفي ومطفيه بس شوونهم خوووارفين هع
المطفي دك على المطفيه و شوف السوالف يه بدت الرحله الجويه (جويه لو زوراء)هعhttp://www.hihussam-rassam.com/vb/im...eR%20(101).gif
المطفي = هلو حبيبتي شلونك
المطفيه = هلو اكولللللللل شنو ناسيه اني مخطوبه صدك نسيت
المطفي = والله الكلوب سواجي انا هماتين جنت ناسي مو احنا انخطبنا قبل 7 سنوات
المطفيه = اي يمكن المهم شوكت نتزوج
المطفي = لعد ليش خابرت هسه حتى نتفق
المطفيه = الخميس الجاي احسن الزواج والزفه سويه
المطفي = اي والله احسن الزواج والزفه وان شاء الله وره الزفه باسبوعين نروح للمحكمه نعقد
المطفيه = ياستار اشو مستعجل خليها وره ميصير عدنه طفل حتى فد نوب نعقد ونطلع اله شهاده جنسيه خو مانضل رايحين جاين
المطفي = خوش فكره بس اكول شلون نسوي طفل
المطفيه = شمدريني احسن شئ اسال اخويه ..... بس تدري هو يجي وحده لانه سمعت بيبيتي تكول رزق من الله هو يدزه احنا مالنه دخل بالموضوع
المطفي = همزين فرحتيني اني عبالي شغله طويله واصعد طابق وانزل طابق وكتابكم وكتابنا بس انا اخاف الله يرزقنه من اوسع ابوابه ويدز سته جهال
المطفيه = لالالالالا اني تره رشيقه بطني ماتشيل سته يادوب واحد يكفي
المطفي =ليش هو بالبطن وين يعني
المطفيه = بالبطن بصف المعده غير بس اني لازم كل اسبوع اروح اشوفه بالسونار اشوفه اجه لو لا اخاف جاي حتى اتوحم على موده حتى لا يطلع مطكع
المطفي = مو مشكله اذا اجه مطكع نمسحه بالوصله
المطفيه = والله خوش فكره --- لعد انا ليش قبلت بيك لانه انت شويه اذكى مني
المطفي = لا انا اعجبج من افكر ولو مرات اتعب من افكر
المطفيه = انا هماتين والله مرات يغمى عليه من افكر
المطفي = اكول ليش بيبيتك تريد رزق من الله يدزلها طفل
المطفيه = ههههه والله مطفيه بيبيتي عمرها بالثمانين وتريد طفل ثوله والله مو عدها اربعه ولد شسوين بالخامس
المطفي = اخاف الحجي عاجبه يريد طفل
المطفيه = ياحجي مات قبل عشرين سنه
المطفي = قبل شويه خابرني النجار علمود غرفة النوم تريديها نفرين لو منفصله كل جربايه مستقله بذاتها
المطفيه = لالالالالالالالالا منفصله احسن لانه انا من انام احلامي كلها لو جنمباز لو ملاكمه وما اريد اقلقك وانت نايم
المطفي = شكرا حبيبتي هسه عرفت انتي تحبيني هواي وبالمناسبه انا اخوتي الصغار بالبيت كلهم جربايتهم مفصوله ومرتاحين بنومهم
المطفيه = حبيبي علمود الزواج والزفه والعرس مو نتاخر بالحفله لانه انا اريد ارجع من وكت للبيت حتى انظف السطح
المطفي = صار حبيبيتي خوش فكره
المطفيه = اي والله نروح للحفله نشوف المعازيم جاين ونطلع يزفونه واحد من الولد انت يزفوك للفندق تكعد شهر عسل على راحتك واني يزفوني الى بيتنا وانتظرك بالبيت وره شهر تجي ان شاء الله تلكه الغده جاهز
المطفي = والله عندج افكار عظيمه الحمد الله اعطاني مره دره مال الله
المطفيه = شنو هذا غزل
المطفي = العفو شنو معنى غزل
المطفيه = غزل مال الصوف والخيوط المهم انت اليوم وين رحت
المطفي = رحت الى ملعب الشعب اشوف مباراة الزوراء والطلبه
المطفيه = اتونست
المطفي = لا والله طلعت المباراة شايفه قبل سنه
المطفيه = حرامات وشلون اذكرتها
المطفي = نفس الملابس ونفس الحكم لابس اسود والطوبه نفسه مدعبله ولونها ابيض
المطفيه = غير تتاكد قبل ماتفوت للملعب
المطفي = اي والله فاتت عليه هههههههه اليوم اني مطفي جني
المطفيه = خير ان شاء الله ماكو شئ
المطفي = لا ماكو شئ بس الحجي والحجيه متعاركين
المطفيه = لالالالالالالالا ليش
المطفي = ما اعرف صارلهم بغرفتهم اربع سنوات لهسه ما طالعين قافلين الباب والاضويه
المطفيه = اخاف لهسه نايمين
المطفي = لا لانه جاي اسمعهم يحجون
المطفيه = اها شيكولون
المطفي = ما اعرف ما افتهمت الحجي يكول للحجيه انا اخاف اموت اريد اعترفلك انا اقترفت خيانه زوجيه بحقك وكل ما اخون اخلي حبايه فاصوليه بالقوطيه جابلها القوطيه طلعن 3 حبايات فاصوليه وبعدين الحجيه كامت تبجي وكالت انا هماتين سويت خيانه زوجيه وكل ما اخون احط حبايه عدس وجابتله القوطيه وطلعت حوالي كرفه مال ايد بس هي تكول عن الحلال والحرام اني طابخه منها ستة مرات برمضان الفات بس اشو الحجي صار نيرفسسسسسسسسس كلش ليش ما اعرف
المطفيه = اخاف مايحب شوربه العدس
المطفي = والله يمكن بس شنو يعني الخيانه الزوجيه
المطفيه = يعني مثلا الحجيه تكول للحجي اني رايحه للخياطه افصل تنوره وهي كذابه تروح للمنصور وتشتري جاهز وتعرف الجاهز اغلى من الفصال
المطفي = اها عفيه مو تسوين خيانه زوجيه وياي تره ازعل كولي ادا تريدين تروحين للخياطه نروح سويه
المطفيه = تدلل - من اخونك اصيحك وياية - اني وين ما اروح اجرك ورايه
المطفي = اصيله والله يارب يساعدني وادللج
المطفيه = هسه اني راح اسد التلفون وانت عفيه سد باب غرفتي من يمك ماطول انت واكف يمه
المطفي = صار عمري انا هماتين اصعد للطابق الثاني والكارت مال الموبايل هم خلص بس عفيه الصبح صعدي فوك كعديني اريد اروح لبيتنه صارلي اسبوع ما شايف اهلي
المطفيه = ان شاء الله نام بسرعه مو ضل بس تفكر
المطفي = مو بيدي احب افكر
وجان يطلعون بنفس الغرفة
هههههههههههههههhttp://www.hihussam-rassam.com/vb/images/smilies/24.gifhttp://www.hihussam-rassam.com/vb/images/smilies/24.gifhttp://www.hihussam-rassam.com/vb/images/smilies/24.gif
