شسولف وانته يمي
وانه حاير بيك
بعد خليني احير وياك خليني ...
خليني اعترفلك
واليحب مجبور
اضيعن بيك اريد ولا تدليني...
شفتك بالكلب
ماشفتك انه بالعين
لأن طبعك شمس ماتحملك عيني...
ماتكدر تعوفك
موتتني الروح
واذا اردها اعله دربك هم تمشيني...
تسودن كلشي بيه
وضل يسولف بيك
وانه وياك اضل عاشك سواديني...
مدري شلون اشوفك
وانته جوه الروح
واكول لروحي يمك توديني...
نص دين البشر
لو رادوا يكملون
وانه الكملت وياك كل ديني...
تداوي الروح بيدك
وبيدي امرض الروح
حته النوب ترجع وهم تداويني...
يم العين اشوفك
وانته ما موجود
احسك تمشي دم بنص شراييني...
اشوفك انته انه
وانه انته تصير
* واذا اشتاك الك اصفن واحاجيني *
