ادور على جروحي ارد اشدهن
لكيت اني حبيبي يصيح تانيني
اتصورته المحب خايف عليه يصيح
رحتله اني بجروحي ودمع عيني
ومن وصلت يمه دليته اكبر جرح
وكتله هذه الجرح ياحبي ياذيني
كلي اني اشده حته ترتاح
ناولني الكطن ياخلي ونطيني
واني بجرح كلبي وكعت عا الكاع
وشدشدني حبيبي وربط جفيني
وبس هذه الجرح اليوجعك كال
علمني حبيبي جروحك ودليني
وطلع بيده ملح وخنجر وتابوت
وطلع بيده المحب ايرد ينهيني
ومأجر حبيبي ثنين عمال
يحضروله الكبر الي يأويني
اذبحني كلتله بسرعه حتى اتروح
ورقه وقلم ياحبي انطيني
حتى اكتب عليهن انتحار الموت
وخلصك من كتلتي خاف تاذيني
لان شافوك اهلي بيدك السجين
وذا اذوك اهلي هذه يعنيني
واذبحني اعلى كيفك اني اخاف عليك
لان دم انته عندي انته بشرايني
احبك والله اشما تقسي وياي
وذا تكتلني انته يعني تحييني
