يلي روحي وكليبي وعيوني فداك
يالذيذ الطبع يل كلبي اشتهاك
سامع احجايه حجيت انه وراك
لو عرض شامت بدربي لو فد واحد نهاك
لو جزع كلبك عشرتي وهذا كل حد مشتهاك
ردلي بطيبة الخاطر ياعزيزي ومن رضاك
خلي كلبك مثل كلبي اشما يمر بيه الوكت ذاك انت ذاك
وخلي روحك مثل روحي اشما نكص مني الصبر كالتلي هاك
خلك انت خايب انت فيك الكوسر يدثرني هواك
وخلي عينك مثل عيني لو يتعبها السهر تتكحل بكحلة غواك
يلي شوفك ضوه لدربي اشصار لك شنهو الطفاك
ويلي شوفك طيف ما مريت منهو العطلاك
يل هويت كليبي انت حلفيته وحلفاك
ويلي اشريته وشراك
يل كلت هذا الحويته تالي بين ما حواك
يل لويت هروشه لويت موت مارد ولواك
والله بويه ماأظن فد يوم كاسر خاطرك لو عانداك
ولا يذكر الكلب فد احجايه منها وزعلاك
ولا اظن بلدنيه احد مثلي حباك
***
