رجعــــت كالعـــاده بلا قلب واصحــاب
من معـــركة فيــــها النهــــاية حزيــنة
فيها الفرح عنوان في مطلع كتـــــاب
وأما الباقي يا حبر ... يشكي الغبينه
ياوقت أنا بنشدك عن بعض الأحباب
ليه البشر في حبهــــا مستهينــــة
صار الهوى في حالهم حيـــل كذاب
واللــــي تحــــبه صار حبك يهــــينه
ما ضامنــــي إلا أبو رمـــش جـذاب
اللي ذبحنـــي ألــــف مـــره بعينــه
مثل القمر في طلعته بس هو غاب
واظلــم حياتي بعد ما غاب زينـــه
هو حبني أو عافني فيه مرتـــــاب
او هو تراجع عن غلاظة يمـــنـــــه
بعد الوفى صار العشق أمر ينعاب
وبعد الغلا ضيـــع حيــاتي بأيدينه
خسرت قلبي إيه ذا شي ينعــاب
وتركت روحي تنحرق في حنينــه
وأنا الذي بالشعر لي باب وجواب
وأنا الذي ما قلت حظٍ وشيــنــــه
وأشوف عمري من شقى الوقت ينســاب
واشوف دمعي انقطع في ونينه
لابو المحبه لا أبو عشق كــذاب
لا ابو غرام ينحرق مع سنينــــه
وشلي بحربٍ بين قلبي والأحباب
والمسألة فيها النهايـــة حزينـــــة
