حبيبي
ادمنت السهر والدمعة بالعين
وأني أدري السهر للعين مو زين
بنارك أحترك بس عاشك النار
هيج تخلص ايام المحبيــــــن
تدوركم صفنتي وابقى محتار
يمتة احضة بوجهكم يالبعيدين
ارماد سنين عمري وبختك الريح
كافي تهب علية وتطشر سنين
اكو واحد يصب دموعة ماي
واكو واحد يصب دموعة من طين
بنة تمثال دمعي تطوفة عشاك
واخذو مراد من عندة المساكين
شكد شايف جروح بالعالم اشكال
مثل جرحي ابد ماشايف اثنين
جرحي يريدك انتة وكل شي يريد
وهم سامع جرح محتاج سجين
همزين اني شايل عندي تذكار
لوما صورتك جان متنة همزين
ابوس بصورتك وأدير الخدود
حتى بصورتك تكلي بعدين.....
