مطاردة شعرية(ادددددخل يله)
مطاردة بين شاعرنا الشهيد رحيم المالكي والشاعر حيدر الكعبي في برنامج هواجس:
البدايه كانت من الشاعر رحيم المالكي
قال
العواذل بيه حبله دوم طالق
سهم بعيونهم كل وكت طالق
بعد ما اخاف كلت للخوف طالق
الشجاع يموت والروحه رخيه
حيدر الكعبي
وحك من هدن وجالن وصالن
ياهو المثلي يوصلك وصالن
اعضاي اليوم سجدلك وصلن
لان محراب احس وجهك اليه
رحيم المالكي
اكوا ناس الرذيله منجملهه
متميز الناكه من جملهه
كمت ما عرف كلشي منجملهه
نميمه ودردمه وغيبه واذيه
حيدر الكعبي
الوكت لاجه معاهم لاجمعنه
ولاتفسير اجانه ولاجمعنه
بقضيتنه لاطرحنه ولاجمعنه
طرح قسمه جمع نفس الاذيه
رحيم المالكي
بعد مدري النزل ياهو من الشال
بسبب هدمي نفتك وانشك من الشال
جديد الخام جنت البس من الشال
عكس دهري وسمل ماصح بديه
حيدر الكعبي
انعميت وما اشوف انه وظلماي
على موتي تعاونوا ربعي وظلماي
لهاتي من العطش يبست وظلماي
ختفه من الكاع بس مديت اديه
رحيم المالكي
هاك اخذ الجروح وياك هارف
هادك الكلب بجفاك هارف
مثل خزلت غنم وتشوف هارف
طشن مشن كل وحده بنويه
حيدر الكعبي
بعد شتامل من الخان شرجاي
وعلي حول شمالك صار شرجاي
ادري اليوم اذا وريت شرجاي
وتطش يمي المصايب واهليه
رحيم المالكي
يكاد الثوب ينشك من نهدهه
طحت والطيحه طيحه من نهدهه
والله بكلبي حسره من نهدهه
بجه حته لمن صخر كلبه عليه
رحم الله شاعرنا المبدع رحيم المالكي واسكنهه فسيح جناته
تحياتي العطره
