چنـــت أشوفك مآي وآنه بگلّبي نـــار
ومن ذبحنــــي الليل اشوفنك نهــــار
سوي لعيونك درب خاطـــــــر أجيـــك
انتَ يا سكـــــــة التشگ حلگ القطار
.
.
.
.
هآك أخـذ كــــــــــــــــــل الصور والذكريات
وهآك شيل اسمي العله اسمك ظلّ يبات
ولا تلـــوم المــا بجــــــــة بوكـــت الرحيــــــل
روح شـــوف المابجــــة بوكــــــت الممـــــآت
روح ؛ عندي عيـــــون محتآجة لحلم
مو بديـــــــــــة الورقـة تعتب القلم
تريده يعتب . مـــــدري يكتب عالجروح
مدري يرجـــع جـــــاهل ويعبـد صنم
يــآ جمر چــوّه الــــــورق بالمفردآت
ويآ مشــــاعر ما بجت وكت الصلاة
ذابحتني ايام هجــــرك بيش أعيش ؟
راح اعيشــــن بالكَبر مو بالحيــــــاة
كَـوّه قنعّــــت القـــلم يكتــب عليـــك
وانتَ دربــك ليل كَلي شلون اجيـــك
ذوبتهن كلهن شـــموع السنيــــــن
وانتَ نزوة ورايحـــــة شلون اشتهيك
آنه مثل جروي من اغتــاظ امــــــــوت
وچلمة تآكل چلمـــة بشفاف السكوت
وانتَ لميت الشماته ويمي اجيـــــــت
لــكن آنه من أبچي ما تسمعلي صوت
كَمت اشوف الليل محتاج لبچــــــاي
وانتَ ســـدره وما حصل بيك الفياي
مات بيدك شوكَ شيعتـــّه السنيـــن
وماتهمنـــــي ايـــامك الظــلّن ورآي
