لعـــــــــــــــيونك

لعيونك ..
اشتاگ وأسأل
دوم انت اشلونك
ولعيونك ..
ذوبت عمري المايعيش ابدونك
ولعيونك ..
رخصت دمعي الچان غالي
ورخص بس لعيونك
تمنيت لو عندي جنح
ياخذني ويه الريح
ويوصلني يم ادروبك
وتمنيت .. لو عندي گلب ..
يتحمل ليومين
من ماشوفك
اشگد وحشه ايام الگضت
من دونك ؟؟
غربة .. ومتاهات .. وألم ..
وگلوب صلفه ..
وابد ماتوصل لربع اگلوبك
يا أهلي تعبني الحنين
وتغفه ايامي اعله طاري اجفونك
بالغربة وي روحي
وادور .. بلكي بالصدفة
العيون اتشوفك..
اي وينك ..
عفتني وحدي
واني ادور وينك ؟؟
بالغربة شفت اوجوه
من تضحك چذب
واتذكرت كل بسمه
چانت غافيه اعله
اوجوهك
ولعيونك .. ابعث تحيتي
بجنح كل طير
حط يم بوبك
ولعيونك .. لعيونك
اتروح فدوه الدنيا
كلها لرمشه من عيونك

مشكووووووووووره عيوني شعر رائع
عاشت الايادي تقبلي مروري

منور عيوني شكرا علمرور

عاشت الايادي على الكلمات الحلوة ..
تحرمينا من اباعج ..
تـح ـياتي..

منورين شكرااااااااا علمرور

يسسلموووووووووووووووو كلمات روعة

لحرفكِ رونق وهمهمة كأني أعرفها
وحرف أتوسده وأشم من ثناياه عبق الياسمين
سأكون بالقرب في كل حين
ودي ووردي