ردت اوصف حبيبي و حرت انه منين
وگلت كل جزء منك راح ابدي اوصفه
خذت خصله من الشعر گمت اوصف انه
وصفت كل خصله منه و حته زلفه
نزلت ع الجبين المرمر اسمر
و ليل الحاجب و بالرمش تدفه
و عينه شلون عين بكل حنان الكون
و ع الوجنات انته تمدد و تغفه
وشفايف العنده تگول جمار
ما شايف ابد مثل انه هل شفه
و الطول تگول شلال مصبوب
ينبع من وسط الف ضفه
حبيبي ايخبل و ماليلي العيون
و متأكد الله بعسل لفه
اتعذب من اشوفه بكثر الاشواگ
و جرحي بغيبته لا ما اضن يشفه
و اول ما احب حبيتك انه شلون
يمكن حضي جابك يمكن الصدفه
بس ما اضن صدفه التجمعك وياي
يراد شي مدروس و متكتك
و خوفي من القدر ليخونه بيوم
و خايف هل طيبه اتروح من يمك
ما اضن من الارض انته يا احلا انسان
من غير كوكب لك انته چنك
حته اسمك اعشگه و اعشگ حروف البي
هم انته شايف واحد ذايب بأسمك
وكون انه يمك و شي يضل وياك
شي حيل تحبه و هوايه ايهمك
كوني ساعه بيمينك لو عطر ع القمصان
حته بكل دقيقه صدگ اقترب منك
احب حته التحبه و ما اكدر بلياك
احب مرك احب حلوك احب طبعك
احبك و اعشگك و اهواك
احب خفك احب ثگلك احب رسمك
احب الله الخلقك بس اليه اليوم
و حاير بألله شلون ؟ حطك
و ما اضن من البشر هم انته تنقاس
هوه انته الملاك ايغار منك
