ابوذيات روعه هسه طالعه من الفرن

يعين خلافه دم تبجين
يوماي.
وماينفع وره المجفين
يوماي
خلاف عينك كرب
يوماي.
أبيع الروح بس تعود اليه
***************************

الظيم اكماط كمطنه ولفنه
وصار الحزن صاحبنه وولفنه
دروب الفرح مكطوعه ولفنه
رجعنه النوب لدروب الاذيه
******************************
الك ياما نبض كلبي ودكلك
واطحن بالحجي ناعم وادكلك
هواي اليوم ارمشلك وادكلك
درمش بالجذب مره عليه
**************************
اناالنازعني وكتي ونتزعلك
منو المن كلبي جرك ونتزعلك
زعل الناس هين وانت زعلك
يضوجني بحيث ازعل علية
*************************


مو تعليم شعر الحب تره إلهام
وأبد مادنك الغيرك تره الهام
ينتهي عندي من اشوفك تره الهم
ولاجن المصايب دك عليه

***********************

إلك ياما رسايل شعر وديت
وروحي أمجان روحك نذر وديت
كون الروح يمك تظل وديت
رساله بخمس سنتات أسأل عليه

************************
هله يلي عليك الكلب ليلاي
أبجي وبنوح أكضي أعليك ليلاي
أنا المجنون وانته صرت ليلاي
هايم والغرام أيحيط بيه

***********************
نصحته ولانفع وياه نصحاي
سكاره أحنه بهواه مابعد نصحاي
جفاني وصرت نص ميت نصحاي
نحيل ولا أثر للحيل بيه

*********************
نصحته ولانفع وياه نصحاي
سكاره أحنه بهواه مابعد نصحاي
جفاني وصرت نص ميت نصحاي
نحيل ولا أثر للحيل بيه

*******************

طحت لاحيل بيه اكعد ولاكوم
ولاخوان فزعولي ولاكوم
لاني بصلح وي وكتي ولاكوم
أراضيه ويرد يزعل عليه

جميل ما خط قلمك اييها المبدع
كلمات واحساس رائع
دمت بهذا الابداع وتقبل مروري

اشكـــرك ورده
ويسلموووو عالمرورر

واوووووووووووووو
كلش روعه
عاشت ايدك

انتي العايشه ورده
يسلمووو عالمرورر