لعيونكم .....تعالوا كلولي شنو رئيكم
لعيونكم ..
اشتاگ وأسأل دوم انتو اشلونكم
ولعيونكم ..
ذوبت عمري الما يعيش ابدونكم
ولعيونكم ..
رخصت دمعي الچان غالي ورخص بس
لعيونكم
تمنيت لو عندي جنح ياخذني ويه الريح
ويوصلني يم ادروبكم
وتمنيت .. لو عندي گلب ..
يتحمل ليومين
من مايشوفكم
ولعيونكم ..
ذبلت اشفافي من العطش ،
منتظره زخت مطر
من اتبوسكم
اشگد وحشه ايام الگضت
من دونكم ؟؟
غربة .. ومتاهات .. وألم ..
وگلوب صلفه ..
وابد ماتوصل لربع اگلوبكم
يا أهلي تعبني الحنين
وتغفه ايامي اعله طاري اجفونكم
بالغربة وي روحي وادور .. بلكي بالصدفة
العيون اتشوفكم ..
اي وينكم ..
عفتوني وحدي
واني ادور وينكم ؟؟
بالغربة شفت اوجوه من تضحك چذب
واتذكرت كل بسمه
چانت غافيه اعله
اوجوهكم
ولعيونكم .. ابعث تحياتي
بجنح كل طير
حط يم بوبكم
ولعيونكم .. لعيونكم
اتروح فدوه الدنيا
كلها لرمشه من عيونكم
*هاي مني للكل*
*انشاء الله اعجبكم*
*وكلولي شنو رئيكم*
**تحياتي **
51:51:karamela51:51:
