ردي.... ردي
ردي..ردي
ياظعــن شـت عن هلـه
اوحــداي غربـه البيه يحـدي
ردي....
ينبــاع العشــكـ
واليـاكلـب تهويـن صــدي
لا تهيـجيـن الجــروح
اجـروحي مـن تنلجـم تـدي
وانـه ..مـن دم ولحـم
مو مـن صخـر جبـده العنـدي
ردي....
مليـت الصبـر وامكاطـر الدمعـه
اعلـــه خـــدي
وانـه.. خلانـي الوكت ناعـور
بـس اتـرس وابـدي
جـورت ليـل الصبـر
واعجــزت منـــه
اوهــذه حـــدي
بلجــي مـن يغفـه الجفـن
ما جلمـه التنكـال بعـدي
انـه مـوش اول زنــد
يشتـــل شلــــب
ويحصــد بـــردي
اولانـه بـس اتغــربت
والمعتنيلــه يصيـر ضــدي
ردي ... ردي....
مالـي حيـل معاتبــج
وانـه العليـج اديـت جهـدي
غلسـت.. عـن الكلـت والكـال
كمـت اسمـع .. واعـدي
وصـابرت صبـر الطفــل
شربـي الصبـر والحـزن مهـدي
واحملـت ليـل العطـش
وانـه العيــون الســود
وردي
اوسـاهرت طـول البـعد
لمـن عشـكت اليـال سهـدي
والله جا مـل وجـزع
لوقصتـي اعلـه ايـوب تسـدي
ردي...
وانـه مو طبعـي العتـب
علمـا حلالـه ايصـون عهـدي
يا رخـص ذاكـ الجـدم
كـون اعلـه ياهو الجـان يبـدي
اويـا مناحـه ذلتـي
اوليـل الكضيتـه دمـوع
وانـه مـن دم ولحـم
مو مـن صخـر جبـده العنـدي
انـه خلانـي الوكـت
ناعـــور
بـــس اتــرس
وابــــــدي
تحياتـــــي ...
