**الــــــحـــــب ** الـــصــعــب**
مثل لمحة بصر يمضي الاسبوع وياك
و احسنهه عمر لو لحضة ما شفتك
يالعشگك نبع خضر بهالدلال
و من گد ما كبر غطى الگلب عشگك
يا موجة بحر و متعب السفان
و يا مركب تهز الريح اشرعتك
ضوگني حلاتك كافي عاد ارجوك
مو خلصن ايامي بنار حنضلتك
يا قاسي الگلب سلمتك الدلال
و كل نبضة بدليلي التنبض بس لك
سايرتك لان ما اگدر اقسي وياك
و اذا تريد الصراحه غصب سايرتك
غصب عني احبك حبي هذا وياك
حب مي وجرف مو بيدي و عشگتك
ما گدر اعوفك روحي صارت بيك
لو عاف النهر الجروف چا عفتك
د علمني القسارة و شوف انت شلون
گبل رمشة جفن تلگاني فارگتك
تعبت آني بمحبتك و اعترف يفلان
هم آني بمحبتي وياي تعبتك
وك حرت بمحبتك و انت حبك نار
لا شبت و اموت و لا طفت و افتك
مثل خيط و شمع هذا آني حالي وياك
كلما اريد اطفه و يشتعل شمعك
حبك لو جبل سهلة و تشيله الروح
حبك صار سلة بعيني و تحملك
اذا اغمض الجفن تلچمني من صوبين
و اذا افتح اخاف من الهوا يعملك
اذاً مالك دوا انت غير الاستئصال
و من العين احاول انتزع سلتك
و اذا انت تگول صعبة و افشل اني بهاي
راح عيوني اشلعهه هيه و محبتك
