كلي شراح اكلك وانت راح تروح
وليش تلح عليه وتنظر ردي
هذا لسان حالي ودموعي تحجي وياك
وراح اسكت واحجي ادموعي البخدي
وسولف بالدمع وتوسلك عبرات
اود اشبع بشوفك واحتفل ودي
ظل وياي ولبقن جم يوم
وهل جم يوم صارن حدك وحدي
خليني اشوفك كمت احسك طيف
وياعين التكض الطيف اليعدي
صرفنه اسنين حبنه وخلصن تبذير
وعلى يوم النشوفك باجر نجدي
خذني وياك اريدك مااريد الغير
كون بسدك اكعد وتكعد بسدي
لتخليني وحدي منين اعرف الناس
لااكدر اعاشر لاخلك عندي
احب شلون غيرك من اود شلون
وانه وياك كلش خلصت ودي
بكد حبك لنفسك جنت اناني وياك
ومنو بكدك يحبك محد بكدي
خذني وياك مني اشعندي باقي وياي
وكلي وياك اخذني وكلشي لاتودي
شيصير بعد خل اليصير يصير
وخل كلشي الاليه يصير ضدي
خلي سنيني تغرك خل عمري يفيض
خل كبال عيني وينهدم سدي
خايف جنت صح بس اخاف عليك
والمن بعدك وخايف شعندي
