راح ارحــــــــل لغير بلاد
بس اخذ كف من بغداد
كف تراب يضل للذكرى
ومن اشتاق اشتم من عطره
وللمجـروح يصير ضماد
******
***
للمجـروح يصير ضماد
راح ارحل لكـــــــن مو سهله
واخذ قطره مي من دجله
وافتر بيها بكل الكـــــــون
وامسح بيها هوايه عيــــــون
ونوزع من عدهـــــا مراد
******
***
ونوزع من عدهــــــا مراد
راح اصرخ وبعالي الصـــــوت
ليش الناس الطيبه تمـوت
واطفال الوطن يصيرون لعبه
بأيد اللي ما يرحــــــــــمون
لعبه بأيد اللي ما يرحــــمون
