ادك الباب وادري الباب مســدود
وأغمض عيون مستحيـه وادك اردود
ادك اردود واسمع صوته من ابعيـــــد
اسمعه يصيح ماموجـــــــــــــود
******
وكت طلك حياءه مستحبه
وصديج المايحبني مستحبه
اذا جانت عشرته مستحبه
اعتقد تركه وجوب اصبح عليه
******
ماموجــود اسمعك ترس اذاني تصيـــح
اصدكك بس اليه اعليك كلهه شهــــــود
بابك والسمع والشاف والماشـــاف
والحسرة البكلبي الماتلمهه حـــــــــــدود
يا حلم اليتيم الرافكه من اصبـــــاه
وهم يضحك يتيم بجف حزن مولــــــــــود
يا حزني السكن وياك صورة وصــوت
مثل حزن المغني اليون عالعــــــــود
يا طيف شحلاتك جنت ويــاي
وبعيني من اشوفك جنت تزهــي اورود
اشيلك من خيال عيوني حته انساك
احسك بالنفس تصعد وياي صعـــــــــــود
يا اخـر حجايه تعال اخذهه وروح
دمعه بعيني ظلت رايدلهه خـــــــــدود
ولك بالنص جسمت اسنين عمري اويـاك
وشتظن اليروح من السنيـن يعـــــــــــــــود
ليش اعله اليحبك ما تدير البـال
وبكل الحنين اعله اليضدني تجــــــود
العشك اخذ وعطا مابين المحبيـن
وانت اتفرهد بعمر اليحبك فرهــــــــــــــود
******
يخايب ليش عمري فرهديتــه
وشبه طير اعله بابك فرهديتــه
الوكت تدري بغيابك فرهديتـــه
على راسي وشبع صكعات بيه
******
لهنا وانتهت صدك بعـد مادام
مات المستحه وماظل بعد منكــــــود
صح انه جنت وياك روح بروح
غيمه وانت وشله ولو مطــرت تـــزود
بس انته البديت وقصريت اويـاي
ودكاتك تراهـــي كلش ســـــــــــود
******
امس وياك دك الثكل دكيـــــت
وابد موخوش دكه وياي دكيــــت
بيدك يا نذل عالجسـر دكيــت
قطعتي وجاي هسه تدك عليــــه
******
تحيـاتــــــــي
51:51:karamela51:51:
