كتبت انه رساله امعبره ابشوك
مثل شوك الحمامه الفرخه
واكتب للوطن انه رساله ضيم
واحجيله شنهو الصار بينه ابفركته
ترضه يا موطني اتهجرنه شبان
وعمت عين الوطن الما يلم اهله
افتح ذاكرتك وراجع الصفنات
شنهو السويته الك وتكرهني انته
اذا جارك الجنت ترفع بيه الراس
ثـق بـالله سـد بابـه ابوجـهـنـه
شنو ذنبي ما شايف امي اسنين
احرمتني ياوطن ليش مو اني ابنه
وصدقاني العشت وياهم اسنين
ما معقول هيج اتصير فد مره
خلينه نعود وننسه كل الصار
وخل ننسه المضه وانشكك الصفحه
وانعلك لافتات لا تعشقو الاغراب
ومن يعشك غريب الله ايموته
ونفتر على المدن كل شهر مرتين
ونعرفلهم الوطن وشنو يعني اسمه
