مغرور حبيبي
مغرور بجمال عيونه
يداري ايخاف يحسدونه
مفرور بنور خدوده
وبوجناته المفتونه
يمشي يحير الناظر
كل الناس يحبونه
حبيبي وساكن بروحي
مغرور يوصفونه
طول البان من ايكوم
روحي اوياه معجونه
نحيف بخصر يغريني
تجف خفيف الضل يشوفونه
مغرور وعذابه حيل مرمرني
وعيوني تغازل اعيونه
الشعر من تحت الحجاب ايبان
كحلي مسرسب عله امتونه
عيونه سود جذبتني
شتات الفكر مهمومه
اتاني الصبح يمت ايصير
تلاكي اعيوني اعيونه
حبيبي الوصف بيه يحير
جميل وبيه الروح مفتونه
هيامي اوياه صار اسنين
ابتسامته بشوكي مدفونه
حسنه يضوي الليل
درى بقصر مضمومه
*************
اضل اوياه ضل مرافك اسنين
يماشيني وامشي اوياه
انتظر البلص الي يجي بيه
وعيوني اله مشحونه
من ينزل احسب البايات
وخطواته يودعنه
محروس بعلي الكرار
وبكلبي ازفنه
وضل اتابعه اعيوني
تتجيله من يعثرنه
يصدلي ويغض النظرات
لان نظراتي يحيرنه
مرموق بلبسه يعرض الموديلات
دخله روحي بيه مجنونه
بعرض شفته روعة الضحكات
من يضحك تظهر فركة اسنونه
يصاحبي شنهو ايصير
لو اعيوني تواصل اعيونه
واضنوني اطابق اضنونه
وبضل عطر عاشت روحي مهمومه
بعشك لون الورد صافي
اشوف بلمعة اعيونه
حبيبي لابس الوردي
بلون حمرة اجفونه
حبيبي راح يمشي واخذ روحي اوياه
اسير بحضن ايدينه
حبيبي بالحب بعد ازغير
ما يعرف الي يحبونه
حبيبي ريفي طبع اصيل
النهر والشط يغازلونه
حبيبي بين جمع اكثير
بعيوني يشوفونه
حبيبي بين كل الناس
جمال صعب يوصفونه
حبيبي عقله الحسوب
كل ارفاكه يميزونه
حبيبي الصبر مزقني
وخطواتي الك مشدوده
اخاف الليل يبقى الليل
وروحي بصبحها ممروده
اخاف الحلو يصبح مر
وعمري ازيل اوروده
اخاف الزمن يساومني
بعدي لشوفتك مرهونه
حبيبي بالخلك ماموجود
باخلاقه يحمدونه
وجدي اله زاد الزود
اصبر الروح بنظرات اعيونه
واذا مر عليه يوم
تاخذني هالة اجفونه
وابقى جسم بلا روح
لان روحي بيه مفتونه
مغرور بجنونه مغرور بجنونه
تحياتي
51:51:karamela51:51:
