تيهني زماني وأسئل أشلون
اليتيه ابدنيته ياهو اليدله
رطبه انه صرت وبنص السلال
وصعب كلش علي تسجني سله
أحبه أنه وصعب أوصله يا ناس
لأن يمه الوصول اعليه زله
مناشير اللسن عد ناسنه اليوم
وأذا رادت تكص أي شي تكتله
فرق بين اليكطع الورد بالليل
وبين الي ابشمس يوكف يشتله
واليسئل سؤال وحله مجهول
شكد يفرق يعمي اعله اليحله
واليكمش حمام او چتفه أچتاف
خو واضح يفرق عل يفله
واليمسح دمع من عين الايتام
الفرق هم بي نقاش اعله الينزله
والقافل مظيفه اعله الخطاطير
هم يشبه هذا ك الصار دله
واليكرم السائل من كلب طيب
فرق عن اليكرمه ابكل مذله
مو تدري أحبك واني مسجون
وشيصير اليحبك لو تصله
أنه لو ما كلام الناس والله
لجيك ازحوف وجبينك أقبله
لأن انته العمر لا يشهد الله
أنته امن العمر صدكني أغله
كل ضنك وصلتي اتنزل الراس
ولك ثق ابوصلتي الراس يعله
