لاترجع ابد موشرط اعيش وياك
لاترجع ابد موشرط اعيش وياك
بدونك عايش اني وكلشي ماهمني
صح بعدك بجيت وصح ذرفت دموع
وصح العبره صارت حيل تخنكني
لكن مامتت بس حبك انت المات
هذا گبالك اني الضحكه رسمتني
عشت وياك امن ماعرفتك هيج
تنطر لحضه عينك ناويه تذلني
ليش بيا سبب ؟؟ حاجيني صوتك وين؟
برر كل جريمة شوك ذبحتني
اذا تطلب جنت من روحي روح انطيك
واضملك عيني اخاف النوب تطلبني
جنت اسهر سهر ماعرف مثله الليل
اضل متاني صوتك حته يحضني
حرام شكد ضلمت جروحي بيدك هاي
اكلك فدوه كافي شبيك تضلمني
تضحك انت عادي ..وانه دمعي يسيل
رووووح الخاطر الله ارجوك فاركني
بگلبك ملح ..ميفيد تزرعني
عزيزه دموعي ذيج النزلت بفركاك
يادمعي العزيز بداعتي اعذرني
وگلبي شكد ضلمتك ماقصدت ااذيك
خجلان انه منك فدوه صدكني
وانت ابعد علي لوهسه اموت هنا
ماتانيك ابد خليك هاجرني
واذا كل جسمي صاحك حته الييه تعود
اترك جسمي اني وانهزم مني
