جان جرحك گبل يومين عندي يطيب
جان جرحك گبل يومين عندي يطيب
هسة الجرح منك ابد مايشفة
جنت توكف گبل والعين تحجي العين
هسة شبيها عينك شو صفت صلفة
كبل حجيك ذهب والناس تمدح بيك
ومن تحجي عسل تتناثر الشفة
هسة اختلف كلشي لا كلمة لاعتاب
وبكلمن يودك كمت تتشفة
على جتافي حملتك سرت بيك دروب
وبنار العشگ جم دوب اتحفة
مو تدري اني احبك وانت بية الروح
اسهرلك ليالي وعيوني ماتغفة
شسولف من عذابك بية صار شهرين
ونار البية منك ابد ما تطفة
شمسح من ذنوبك وانت شو كل يوم
تجرح بالگلب وك وتريدني ما اشفة
طك صبري وخلص والدمع شح بالعين
وهمي اللي بالگلب ماضن بعد يخفة
من عندك نهوني صحبتي واخوان
كالولي صحبتك بالهوى سعفة
وكالولي اتركه ماية خابط طين
لتضن بمحبتك يركد ويصفة
كدامك بحر مكشوف بس من فوگ
لو تنذر عمر ماتكدر اتعرفة
كدامك بحر مكشوف بس من فوگ
والجوة البحر ماتكدر اتعرفة
عاندت ومشيت وكلت رحلة شوگ
حطيت البلم وامواجك تحرفة
صرت كلي لحياتك منهج اني
وحرف بكتاب گلبك من هجاني
شجنيت اني بمحبتك منها جاني
اسهام وكل وكت تمطر علية
بس هم احبك
