شتريد ابتعد .. ابتعد حاضر صار
ماسولف بعد وياك من اليـــــــوم
بس اذكرني مره واذكر الكعدات
والأيام ذيــــــج الرافــكـــتك دوم
وابراس السنه من بست خدي بشوك
والله وما نمت ساعتهه طار النوم
جنت المحتفل وحدي وجنت فرحان
ممصدك بســتني صافن ومصدوم
اذكرني ولك بلكي الحنان يعود
ولو حقك اكلك بييه كل اللوم
خليني بعذابي صوجي كل ما صار
خليني بجروحي وكلبي الملجوم
واذا شفتك احاول اخفي النضرات
تضل بكلبي انت بكل ترف مرسوم
صيام اعلن عليك بلا نضر للموت
ولو اعرف جذب وشجابني اعله الصوم
تضل وحدك تضل شاغلني بالاشعار
ويضل موتي اعله جفك يا قدر محتوم
