السلام عليكم و رحمة الله و بركاته
شلونكم اعضاء منتدى عراق الكل؟؟
ان شاء الله تكونون بالف خير !!
الموضوع اليوم هو ( اريد اتزوج ) بس لحد الان ملكيت بنت الحلال الي ترهملي
فاوجه دعوة لكل شابات ((السحالي)) المنتدى التي ترغب بالزواج و تتواجد بيها الصفات المذكوره ادناه الحضور الى
مقر قيادة الحوت الكائن في الطابق الاول من العمارة الي وكعت قبل اسبوع
وعلى كل شابة ان تجلب معها الاوراق الرسمية الخاصة بها مع جواز السفر و صورتين شمسية و صك مصدق بقيمة 82 دولار غير قابل للرد موضوعة في ضرف ابيض و تهمل المعاملات التي لا تحمل هذه الشروط
خوش حجي يابة ؟؟
اوكي هسة نجي لصفات البنية
1 - ان لا يزيد عمرها عن 16 سنة ولا يقل عن 19 سنة .
2- ان يكون طولها حوالي تسع ست امتار .....http://www.shattalarab.com/vb/images...miles/z011.gif لا لا ماكو هيج شي المهم يكون طولها اقل من طولي ب 5 سم ..اوكي .
3- ان تكون تعرف تقرة و تكتب فرنسي و انكليزي و العربي مو شرط .
4- ان يكون شعرها طولة حمشة و حمشين كيلو غرام يوصل لجتفها و لونه اسود على جوزي ومخصل .
5- ان تكون لا بيضة ولا سودة ولا سمرة ولا جلحة .
6- ان تكون ذكية بس مو كلش لان تطلع خبلة .
7- ان تكون مو طماعة يعني من تشوف اكل لازم تاكلة كله يلا تكوم .
8- اخير شي و اهم شي تحبني .
يلا خلصت الصفات
هسة نجي للمهم طبعا هو مو اني الي اريد اتزوج اني سويت هذا الموضوع لشباب المنتدى حتى يختارون البنت الي تعجبهم
يلا شباب اختارو و الباقي علية
ويلا بنات تعالوا سجلو اسماءكم حتى تحصلون على احسن عريس
و لاننا يهمنا رئيكم
لذلك اي استفسار او اقتراح لديكم يرجى الاتصال على الرقم الاتي 130 ومن خارج العراق على 130 (00964)
وسوف تقام حفلة عرس جماعية كل يوم خميس من اول الشهر الماضي
وبالرفاه و البنين
اخوكم اليحبكم اني http://www.shattalarab.com/vb/images...smiles/z03.gif
