لا تطلب أألف عنك أشعار
لأن انته القصيده الجوهريه
وجمالك ما ينوصف أبيت بيتين
أقل ما ينكتب عنك سبعميه
يالي بمشيتك الناس تنصف
تگوول مسجلين بعسكريه
وأنه مو فرق عنهم اذا صح
بس تفوت أخذلك تحيه
يابو لسان الحلو وحچي معسول
وعيونك يألأغلى من الجواهر
مو شاعر أنه من قبل ما لاگيك
من شفتك صرت أنسان شاعر
صياد وهاي عينك ضربتني بسهام
عيونك هاي لو صياد ماهر
اذا باچر أشوفك يا ضوه العين
كل لحظه بحياتي أتمناها باچر
أنته أطلبت مني وصفك الزين
وآنه لوصف الغوالي أني حاضر
لا تشكرني لأني أكتبت كلمات
وأريدك تعرف منين أني جبته
أني ألي أشكرك ياحلو يازين
لأن الشعر من عينك أخذته
ولأن أنته الكبرت شجره الكلمات
كل كلماتي جانت مثل نبته
ولأن أنته تغررت بكل المسامات
أذا أني ألقلب صرت أنته دگته
هم يحتاج أوصفك ياگمر يانجمات
ياهو الگال عن نورك مشفته
