أسود الرافدين
أسود الرافدين أبطال
وابشر يا وطن بيهم
علّوا للشمس رايات
لعيون العراق الأبي غاليهم
عراقيين أهل نخوة وملمات
ومن إيده الفُرَات العذب ساگيهم
ولَوْ أكتب والحزن ماخذني
وشوگك حيييل ذابحني
أدري بَكْ أسد مجروح
وعلى جرحك ينوح النوح
بس وحگ دجلة وفرات
وعشگنة وحرايرنة
ودمعة المضيوم
تبقى العظيم وتاج براس سيدهم
على جرحك چثير اتأمروا أنذال
وبلحظة غيض كشفوا كل مخالبهم
خناجر مسمومة بحقد مدفون
وتاريخ الغدر يا وطن دَيدنهم
بس هيهات الشهم ينضام
واجروح الناس گبل اسنين ضمدهة
يمد ايدة لكل جار مضيوم
وابقصى الارض للمغصوب مدهه
وك منهو الزلزل اسرائيل
وبصواريخ الحسين الموت هدده
ومنو حامي الحمية ورفعة الاوطان
واطماع الفرس بالعرب حددهه
ومنهو البجى اعلوج انجاس
وبأرض المطار الجثث مددهه
غيرك يا شهم يا عزة الأوطان
أبو النخوة والغيرة وشدايدهه
بس شگل الوكت هذا الخان
وك اشلون الأسد هيچ يهون
وبغداد الحبيبة مغصوبة فرحتهه
وأطفال الوطن مكسور خاطرهه
لاجئ يا وطن صرت آني واشلون
ببلاد گبل اسنين ضم ابلادي لاجئهة
*********
ببلاد گبل اسنين ضم ابلادي لاجئهة
