(¯`·._.·( رسالة في الغربة ...للشاعر أيسـر الأعسـم )·._.·°¯)
كلمات تعبير عن شوق الغريب للوطن واكيد هالكلمات هي حالي وانا بعيد عن ارض الوطن وهي حال كل عراقي مغترب يحن الى البلد الحبيب ويحمل هموم الغربة ومتعابها ومصاعبها والحمد لله رجعت لوطني ورجعت للعاصمة الحنينه الحبيبه الأبية الشامخة ... بغداد ...
رسالة في الغربة
...............................
سحبت القلم والورقة وجمعت افكار
وردت اكتب رسالة للأهل والجار
عنونت الرسالة اهلي واصحـابي
شنهو الي جره بغيابي ياحبابـي
صدكوني البعد عنكم يهد الحيـل
صاير كالطفل حاير بوسط السيل
مرات النفس تأمرني انساكـم
ومرات القلب ينزف بفرگاگم
اريد اعرف طريقي منين راح ابديه
من هذا البلد لو اطلع والغيــه
وليمتى اظل بهل الفكر سرحان
وحيد بداخلي لااهل لا خوان
يا بلادي السفر والله يجويني
يعراقي الابي ما تكدر تجيني؟
يا بوية وصديقي واجمل عـراق
هم تصفه النفوس وننسه الفراق
مخنوگ الصدر والفكر ظل مشلول
يومي بس حزن واسأل عن حلول
مليـت الكتابة وخبصة افكاري
ومليت الحزن والدمع بس جاري
مزگت الورق و وكسرت اقلامي
وظلت بمكاني تـــدور ايامي
تحياتي
رد: (¯`·._.·( رسالة في الغربة ...للشاعر أيسـر الأعسـم )·._.·°¯)
شكرا الك وعاشت ايدك على الكلمات الحلوة ودوم الابداع وتحياتي تقبل مروري
رد: (¯`·._.·( رسالة في الغربة ...للشاعر أيسـر الأعسـم )·._.·°¯)
حلووووووووووووووووووووووو
