ابو ذيات عراقية حزينة وجميلة

وليسأل
شگل للي يناشدني وليسأل
ولك ليش الدمع يجري ولي سال
فراگك حيل موتني وليسال
متى يوم الوصل وتعود اليه
******
لبنكم
اريد احلف ابد ما اشرب لبنكم
وعلى چتافي بنتيتلكم لبنكم
غصب زوجتو محبوبي لبنكم
وتركتوني عليل الالم بيه
******
وسيله
يكت الدمع من عيني وسيله
وبس البچي صايرلي وسيله
اريد اوصل لمحبوبي وسئله
نساني لو بعد ينشد عليه
******
سملهم
هلي ما لبسو خادم سملهم
وبصدر العدا باين سملهم
ان چان اهلك نجم اهلي سملهم
چثير من النجم عله وختفه
******
عينه
ربي لو نخاك البشر عينه
سوده وما تحب الكحل عينه
رفع طرف العبايه وشفت عينه
سحاب شفت ونجوم وثريه

يسلمووو خيووو.

يسلموووو على الموضوع عاشت ايدك

شكرا على المرور الجميل

مشكووور حبي
عاشت ايدك على ابوذيات
الاكثر من رائعه دوومك مبدع
ننتظر جديدك القادم
تحياتي
العميد نهاد العراقي