اني سنية وحبيبي شيعي( دخلوو والميدخل مو عراقي) ارجو تثبيت

حبيته حب مثل الوريد النبض حيل بيه

وعشقني عشق شكد ما وصفته اكول شوية

كتبوا بالحب قصص بس مثل حبنا منجاب طارية

يتلهف الشوفتي مثل عطشان يتلهف المية

واتلهف اللقياه مثل الغركان ونجدته بكشة مرسية

احس بروحه من تتعب ويحس بكل اللي يصير بيه

لو عفته لحظة يحن وببعاده تكتلني الحنية

دمه يجري بعروقي وروحي الروحة فدوه وهدية

ما اثرت بيه كلمة ولا لفتة ولا حلوات الكلية

اني اميرة عرشه والكلب والروح والرية

كلي ما اكدر عالبعد لازم تحددين يوم للجية

اجيب اهلي واجي واعلنها اليوم رسمية

واني طرت من الفرح روحي ردت الليه

وانتظرت يومين وثلالثة وينها الجية ؟؟؟؟

حجيت الامي عالي صار سكتت ومعرفت النية

كالت بعدي هذا مو نصيبج يالغالية يالبنية

شبيها امي معجبها حبيبي ليش رافضة القضية ؟

وانتظرته سبوع واسبوعين ماكو وينها الجية ؟

كلي روحي بطريقج عندي سفر ودروب مطوية

كتلة اجي وياك وين متروح يصير العبير يعوف جوريه

كلي احبج احبج وما اشوف بعدج ولا لحظة هنية

كتله السبب؟صار يتلعثم كلي لا بديج ولا بدية

كتله السبب؟كلي العيب مو بيج ولا انتي معنية

كتلة السبب؟نزلت دمعته صار يحجي باعذار ملوية

تذكرت حجاية امي من كالت هو جعفري انتي حنبلية

معقول هذا السبب احنه مو اسلام شلون تفرقنا مذهبية

اهلنا ذبحونا بالحيا واني وياك من هالتخلف ضحية

لا يالغالي احجيها بوضوح السبب انت سني وانتي شيعية

روووعة مشكووور خيووو
كلك ذوق وابداع
تحيااااتووو.

عاشت ايدك حبي شعر رائع

عاشت ايديك وردة عماد
تحياتي الك يا وردة

يسلمووووووووووووووووووووووووووووووووو
والله شي خرافي عاشت ايدك يامبدع
تحياتي الك

مشكووورين
على الكلمات الرائعه و الجميله
عاشت الايادي الحلووة
ننتظر المزيد من الابداع المميز
تحياتي
العميد نهاد العراقي