صار سنين وكلبي يحبج من يوم أتعلمت الــــدار
وصار الدار بنص عيونج متعجب لـنــــه ومحتار
طولـج نخله بوسط البصرة خيعونه ألاح الجمـــار
وشقلاوة أنتي عيونج خضره تتلا صف بيه الأنوار
وشعرج اصفر يمكن اسـود مغسول بمي الاهـــوار
منقوشة الفاو أعله اجفوفج واحتارت بيج الأشعــار
نهرين دموعج من تجري تمسح عنج كـل ألصـــار
أنتي بحسنج داخت عالم يا نـــــور وضوه الأقمـــار
يا دنياي البيهه اتونس وبيهه هـواي المني تغــــــار
يا لمعجونه بطين الكوفة ومن ذي قار اذراعج صــار
حب ديالى وكـــوت وبابـل وعمـــاره أنـــتي والانبـــار
يالصـوتج نغماته تــــونس وتغـــــرد أطــــوار أطــــوار
يالكحلتي أعيون ألدنيـــــه أنـــتي بميـــــج والأثمــــــار
يا لخليتي بحبـــــج عـالـــــم مجنونــــة وتفتـر بكتــــار
عنــــج كالت كل الناس طحــــت وظــــل جسمج طشـار
ما يدرون بجذرج ثابــــــت مــــن ادم وأيامـــه اشصـار
