صرت لكليبي حسرة
وصار كل زادي الحزن
ودمعة الغربة جوتني
وحفرت حتى الوجن
جاري ما دك باب الية
ولا صديجي ايتاني واكف بالركن
وينها اعيونك حبيبي
ومن تصد لية اسحن
وين ابوي وين امي
تكضلي راسي من اون
اه يا غربة زماني
والله عجنتني عجن
وين اشوفن ولفي وين
واروي وحشات الحضن
وين اشوفة وبعد عني
كد مطارات وسفن
اشلون ارتبة بفكري كلمة
وهية شلتلي الذهن
وين الكة ويا حنان
وانتة صرتي براسي جن
فرفحت روحي عليك
خيل ومتيها الرسن
يل صرت وي روحي لهفة
ويل صرت وي سمعي اذن
شما اكلبه بخيالي
غيبتك عني سجن
وانتة مسجون بدليلي
وصوتك بروحي لحن
حن عليه بكل حنانك
لا تخليني امتحن
لا تخليني امتحن
